संत शिल्पाच्या सुशोभित प्रवेशद्वाराच्या कमानीचे उद्घाटन
निर्भीडसत्ता न्यूज –
चिखली गावाला संत तुकाराम महाराज यांच्यामुळे विशेष महत्व प्राप्त झाले आहे. संत शिल्प या कमानीच्या माध्यमातून त्यामध्ये अधिकची भर पडली आहे. तसेच, संतपीठाच्या माध्यमातूनही नावलौकीक वाढेल, असे मत आमदार महेश लांडगे यांनी व्यक्त केले.
पिंपरी-चिंचवड महापालिकेच्या वतीने प्रभाग क्रमांक १, चिखली गावठाण येथे उभारण्यात आलेल्या संत शिल्पाचे सुशोभित प्रवेशद्वाराचे (कमान) उद्घाटन आमदार महेश लांडगे यांच्या हस्ते संपन्न झाले. त्यावेळी ते बोलत होते. यावेळी महापौर नितीन काळजे यांच्या अध्यक्षतेखाली झालेल्या या कार्यक्रमास उपमहापौर शैलजा मोरे, महिला व बालकल्याण समिती सभापती स्वीनल म्हेत्रे, क्रीडा, कला, साहित्य व सांस्कृतिक समिती सभापती संजय नेवाळे, अपक्ष आघाडी गटनेते कैलास बारणे, ब प्रभाग अध्यक्षा करुणा चिंचवडे, क प्रभाग अध्यक्षा नम्रता लोंढे, फ प्रभाग अध्यक्षा कमल घोलप, नगरसदस्य कुंदन गायकवाड, राहुल जाधव, नगरसदस्या साधना मळेकर, अश्विनी जाधव, संगिता ताम्हाणे, माजी नगरसदस्य शांताराम भालेकर, सुनील लोखंडे, सुरेश म्हेत्रे, स्वाती साने, प्रभाग समितीचे नामनिर्देशित सदस्य सागर हिंगणे, दिनेश यादव, संतोष मोरे, सहाय्यक आयुक्त अण्णा बोदडे, मनोज लोणकर, कार्यकारी अभियंता श्रीकांत सवणे आदी उपस्थित होते.
चिखली गावाला संत परंपरेचा वारसा आहे. तो जोपासण्याचा प्रयत्न करण्यात येत आहे. या भागातील नागरिकांच्या सुरक्षिततेसाठी लवकरच पोलीस स्टेशन निर्माण करण्यात येणार आहे.
महेश लांडगे, आमदार
