मुंबई | युनायटेड नेशन्स डेव्हलपमेंट प्रोग्रामच्या विशेष ह्युमनटेरियन पुरस्काराने अभिनेता सोनू सूदला सन्मानित करण्यात आलं आहे.
कोरोना महामारीच्या काळात स्थलांतरीत मजुरांच्या मदतीला धावून आलेल्या सोनूने सगळ्याच गरजवंतांची वेळोवेळी मदत केली. सोनू सूदच्या या कार्याची दखल आता संयुक्त राष्ट्र संघाने घेतली आहे.
सोनू सूदने हा पुरस्कार मिळाल्याबद्दल आनंद व्यक्त केला आहे. हा सन्मान माझ्यासाठी विशेष आहे. यूएनकडून दाखल घेतली जाणं खूप विशेष आहे, असं सोनू म्हणाला आहे.