पिंपरी- शहरातील नागरिकांच्या तक्रारींसाठी हेल्पलाईन, संकेतस्थळ, मेल, मोबाईल अॅपनंतर आता व्हॉट्सअॅपवरून नागरिकांच्या तक्रारी घेतल्या जाणार आहेत. पालिकेने ९९२२५०१४५० हा व्हॉट्सअॅप क्रमांक जाहीर केला आहे.
पिंपरी-चिंचवड महापालिकेने शहरातील नागरिकांची समस्या सोडविण्यासाठी सारथी हेल्पलाईन, संकेतस्थळ, एसएमएस, मेल, लोकशाही दिन, मोबाईल अॅप, किऑक्स या माध्यमातून नागरिकांना तक्रारी करता येतात. त्यात आणखी भर पडली असून पालिकेने तक्रारींसाठी व्हॉट्सअॅप क्रमांक सुरू केला आहे. त्यानुसार पालिकेने ९९२२५०१४५० हा व्हॉट्सअॅप क्रमांक जाहीर केला आहे. या क्रमांकावर तक्रारी करण्याचे आवाहन महापालिकेने केले आहे.