पिंपरी | निर्भीडसत्ता न्यूज
कोविड-19 या साथीच्या रोगामुळे टाळेबंदीमुळे हाताचे काम गेले आणी जगायचे कसे असा प्रश्न पडला आहे आपण हळूहळू पूर्वपदाकडे येण्यासाठी प्रयत्नशिल आहोत. सध्या कामगाराना कामावर जाण्यासाठी वाहन उपलब्ध नाही, दुचाकी वापरु शकत नाही अशा स्थितीत कष्टक-याना दिलासा म्हणून विविध संस्थातर्फे आज पिंपरी चिंचवड मनपा आयुक्त श्रावण हार्डीकर यांचे हस्ते सायकल चे वाटप करण्यात आले.
यावेळी कष्टकरी संघर्ष महासंघाचे काशिनाथ नखाते, सत्तारूढ पक्ष नेते नामदेव ढाके, नगरसेवक एकनाथ पवार ,अभिजीत कुपटे ,सुनील पाटील, सतेज नाझरे, विनीत पाटील, माधुरी जलमुलवार, राजेश माने आदी उपस्थित होते. स्वच्छता कामगार ,फेरीवाला, घरेलू कामगार, कंत्राटी कामगार, बांधकाम कामगार यांना सायकलींचे वितरण करण्यात आले प्रातिनिधिक स्वरूपात दोन महिन्याच्या कालावधीसाठी 15 सायकलींचे मोफत वितरण करण्यात आले.
टाळेबंदीतून पुर्वपदावर येत असताना हाताला काम मिळत असताना कामावर पोहोचायला, कामावरून परतायला सायकल ही विनाइंधन, वाहतूक कोंडीवर उत्तम उपाय, पर्यावरणपूरक तसेच वैयक्तिक व सामाजिक आरोग्यास उपयुक्त आहे. म्हणून इतर देशाप्रमाने अपल्याकडेही सायकला चा वापर वाढवा असे मत व्यक्त करत आयुक्त श्रावण हार्डीकर या उपक्रमाचे स्वागत केले. कोव्हीडचे सोशल डिस्टन्सिंग निकष पाळत सायकल कामावर पोहोचण्यास उत्तम उपाय व भुमिका ठरणार आहे. इच्छितस्थळी जाणे आणि या सायकलिंना आधुनिक पद्धतीचे लॉक असल्यामुळे सायकली सुरक्षित रहाणार आहेत. शिवाय सायकलींचे स्यानीटाजेशन, देखभाल दुरुस्ती सदर काळात सायकल पुरवठादारच करणार आहेत.